هذا تصميم لاحد صفحات البومي المصغر
جدا بسيطة خليتها كأنها برواز لصوره بلورايد ..
وهذي صور اوضح لطبقات الورق المستخدمة .. لاحظوا المنقط بفضي ترا شفاف..
وشايفين كيف افتح الغلاف واحط الصوره داخل جوا المربع الاسود..
من ضمن الاسئلة اللي تنطرح علي بكثرة كان صناعة الالبومات..
وكثير يحبون يعملون البومات لأطفالهم عند الولادة او يوميات أطفالهم او ذكريات الزواج..
سبق وتكلمت عن هالموضوع بكذا تدوينة وعمل سابق للالبومات في مدونتي..
والان راح اتكلم ضمن هالموضوع بس بصورة مصغرة وكنت من زمان ودي اسوي البوم بس بطريقة سهله اذا تذكرون هذي العبارة “بك أسمو” يمكن عملتها قبل ٥شهور ههههههه
عموما راح أعرفكم على نوع من الالبومات التابع لفن السكراب بوكينج واللي راح أنفذه يعتبر من ضمن مجموعة أعمال هالفن وهو “MiniAlbums” معناه “البوم مصغر”..
ماراح أشرح واتكلم كثير الصور والفيديو افضل وسيلة لإيصال المعلومة..
تفضلوا على هذا الرابط او تصفحوا الالبوم التالي من مجموعة مختارة من نوعيات عديدة لطرق وتنفيذ الالبومات المصغرة على حسابي في البنترست…
تنوعت في الاختيار مابين البومات سهلة وسريعة في التنفيذ الى مستوى إحترافي ويأخذ وقت أطول بالتنفيذ..
والافكار تتنوع مابين تنفيذها على ورق او إعادة إستخدام كتاب قديم وتحويله الى البوم او قماش او بنطلون جينز او كراتين المنتجات الفارغة او حتى صناعة بوكسات على شكل البومات..
لكم الحرية في الاختيار حسب الخامات المتوفرة وقدراتك في ممارسة هذا الفن..
بس لازم تكون هالصفتين فيك قبل: الصبر وطولة البال لان بعض الالبومات تأخذ منك وقت يمكن اكثر من ٣ ايام..
والذوق في الاختيار وتناسق الالوان..
راح ابدأ بتصميم شيء سهل وسريع، الاشياء الطويله واللي تميل الى التعقيد وتاخذ مني وقت ابتعد عنها بصراحه لاني انسانه ملوله واحب اخلص شغلي بنفس الوقت..
مشاهدة ممتعة وقولي لي رأيكم باللوح اللي اخترته لكم وش أضاف لكم..؟
لاتنسون تسوون فلو لحسابي هنا ..