باقي بدري عالعيد ..
بس من كثر ماني مبسوطه عالورق اللي حطيته لكم بالصوره اللي قبل ..
ماقدرت أقاوم وابدأ أنفذ هالفكرة اللي من زمان أشوفها ونفسي أطبقها ..
عاد التمبلت حق ظرف الفلوس أخذته من النت وطلع مقاسه مضبوط على A4 النموذج جاهز للتحميل والطباعة في أسفل الصفحة..
عاد الفلوس سالفه قعدت أدور طول اليوم كااش ماحصلت الا هالبقايا من أخر مره جيت السعودية
أتوقع مقاس الظرف بيناسب الورق ابو ١٠٠ و ٥٠٠ ريال حتى ممكن تكون أعرض شوي وتجي بالضبط مقاس الظرف..
عاد حبيت فكرة القصاصات الملونه والترتر داخل الورق الشفاف تعطيه طابع فرايحي وجميل ..
عاد الحين فكرة هالظرف مابتعجب الشيبان ولا اللي يبي يصرح وش راح يعيد عليك .. صدمة يبان المبلغ من برا
عموما راح أزودكم بأفكار جميله بهالورق الشفاف الانيق الظريف الكيوووت« بتزعجكم
صور اكثر
قالب الظرف..
قالب ظرف الفلوس اللي استخدمته على الورق الشفاف..جاهزه للطباعة وبكل المقاسات .. فقط احفظي الصوره لجهازك و ضعي الخيار على طباعة على كامل الصقحه A4
قومي بقص القالب وتجربته على ورقة خارجيه .. وبعدها قصي عالورق المطلوب بالكمية المطلوبة .. تم اللصق اخر خطوه….