بالنسبه للموضوع اللي طال إنتظاره وهو الطباعة المنزلية بجودة عاليه ونتائج رائعة ..
حبيت أطرح هالموضوع للي يتعسر عليه شراء أوراق سكراب بوكنق الملونة وذات الرسومات والزخارف الجميلة .. وبرضو فرصة للي تبي تصمم أوراق خاصة فيها وتنفرد فيها ..
وش رأيكم بالاوراق اللي بالصورة ؟! مو شاريتهم كلها صممتها وطبعتها بالبيت ..
بصراحة أحترت كيف أبدا بتقديم هذا الموضوع ..! كنت راح أدخلكم لعالم الفوتوشوب والتصميم وحسيت هالشيء يمكن صعب عالبعض
بعد بحث طويل وتجربة مع الطباعة المنزلية وصلت إلى بعض النقاط اللي ممكن تساعدكم على هالشيء:
١- الورق لابد أن يكون ذو جودة عالية وهذا يتطلب شراء ورق خاص لهذي الاعمال. النوع الاول من الاوراق اسمه Cardstock Paper ويجي منه ألوان وهو ورق مقوى وممكن نستخدمة في الكروت والفواصل أو اي شيء تحبين يكون له بروز في العمل .. النوع الثاني وهو الخفيف أو الرفيع وأسمه Epson Premium Presentation Matte Paper يعطي نتائج مذهلة وكأن النتيجة جاهز من مطبعة
٢- اخترت أسم الورق من طابعة إيبسون لان طابعتي إيبسون ، ممكن والافضل تبحثون عن نفس الورق الخاص بماركة طابعتكم.
٣- الورق الاول السميك يأخذ حبر أكثر مقارنة بالرفيع.
٤- أهم نقطة **إعدادات الطابعة ** يجب الذهاب الى إعدادات الورق وإختيار أسم الورق كما هو مكتوب على كيس الورق. إذا خليتي نوع الورق عادي راح تطلع النتيجة أقل في الجودة وبكذا خسرتي ورق عالفاضي..
٥- نضع الاعدادات على طباعة Fine أو جودة عالية لنتائج أفضل.
٦- نضع خيار “طباعة على كامل الصفحة” اذا كان هناك حدود بيضاء يمكن إلغاءها من الاعدادات عن طريق Borders.
فيه بعض الطابعات ماتشيل لك الحدود البيضاء يعني بتطلع الورقة بحدود بيضاء مافيه حل الا قصها ✂️
طيب نوصل لموضوعنا المهم وهو وش تطبعون أصلا ..؟!
بحثت لكم في النت ولقيت لكم قوالب جاهزه وجميله ولكن عيبها مقاساتها ١٢*١٢ إنش والطابعات المنزلية ماتطبع هالحجم ..
ممكن تطبعونها برا راح أرفعها على قسم مطبوعات.
أما القوالب الجاهزه للطباعة بالبيت زي اللي بالصوره صممتها لكم بالفوتوشوب لبعض أهم الزخارف ومقاسها A4 كل ماعليكم طباعتها بالخطوات السابقة. راح أنزلكم قوالب أكثر ان شاء الله ..
أتمنى أني قدمت لكم شيء بديل ومفيد وأي اسئلة وطلبات انا حاضره لكم ..
(at My ArtStudio)