صباح الخير ..
مركزه على سالفة العيديات أو التوزيعات
عاد عجبتني فكرة القمع وقلت أطبقها شفت أفكار مسوين لها تغليف من فوق بحيث تتقفل زي اللي بالصورة وبعضها بس قمع بدون مايتقفل وتحطين شرايط من الجنب بحيث تصير زي الكيس ..
فيه أفكار كثير للقمع بس حبيت أجرب هذي الفكرة على الورق الشفاف اللي مرره تعلقت فيه
حلو تطلع الحلويات كذا واضحة من برا ..عاد الطريقة جدا سهله لفيت قمع ومن فوق لصقت ٣ طبقات من الورق الشفاف الملون اللي يسمونه Tissue Paper لانه خفيف زي المناديل الورقية .. حطيت الحلويات وبعدين ربطتهم بشريطة تاادااا
على فكره نزلت لكم كل القوالب بقسم مطبوعات حملوها وأستمتعوا ..